Стогово 14, Скопје

Зградата се наоѓа во Скопје, во населба со голема густина, кадешто најголем дел од постојната структура и новоградбите се со мала висина. Постојните градби и проектите што се реализираат во околината се двоспратни единечни семејни куќи со дворови. Стогово 14 е станбена зграда со дванаесет станбени единици, тераса на покривот и подземен паркинг, и иако е во рамките на зонирањето на соседството, отскокнува со својот јасно уникатен дизајн.

Стогово 14 е сместена на тесна парцела со главна ориентација е север-југ со отворен поглед, а другите страни се до соседните објекти. Клиентот бараше објект дизајниран така за да ја подигне свеста на жителите за важноста на архитектурата и дизајнот. Главната стратегија зад проектот е да се фокусираат и посочат најважните простории од внатрешноста со отворен поглед. Сите прозорци лоцирани на јужната страна имаат надворешни засенчувачи за заштита од сонце, а во долниот дел фокусот е на зеленило. Дизајнот на проектот е единствен по неговите живи и чисти геометриски форми и елементи кај кои има јасен контраст хоризонтално и вертикално.

Конструкцијата е од армиран бетон, а фасадата е изведена со EPS топлинска изолација. На покривот е поставен пластично обложен алуминиум, терасата на покривот е покриена со гранитни плочки, а оградата е изработена од челични профили и е боена со електростатски процес.

Стогово 14 има номинација за најпрестижната европска награда за архитектура EUMiesAward и е еден од добитниците на наградата BigSEE Architecture Award 2019 на балканско ниво.

 

Во зградата се вградени следниве Кануф системи и материјали:

  • W112
  • W624
  • Knauf MP75L  гипсен малтер
  • Knauf ADDI  фасаден систем

 

Студио: Аттика архитекти
Архитекти:

  • Бојан Тасев
  • Никола Томевски

Клиент: Hrising FS

Фотографии: Владимир Мирчевски

 

Локација